 Observaciones |
|
|
A compañía Áncora Produccións presenta "Medidas preventivas, unha comedia dramática que lanza unha mirada irónica e crítica, non exenta de humor…negro, sobre as novas relacións e os novos comportamentos sociais. Medidas desenfocadas e dirixidas aos cidadáns de a pé, presuntos culpables nos seus actos cotiáns. Medidas absurdas que venden protección a cambio da submisión, e seguridade a cambio de medo. Medidas que converten aos cidadáns en policías de si mesmos. Fragmentos de ficción ou sucesos dunha realidade que xa existe ou á que asistiremos en breve.
Gustavo Pernas Cora acadou con esta obra o Premio ao Mellor Libro de Teatro 2007 de Asociación de Escritores en Lingua Galega, mentres que a compañía Áncora produccións foi galardoada este mesmo ano 2008 co Premio Roberto Vidal Bolaño pola súa traxectoria artística.
|
