 Observaciones |
|
|
A compañía Arela das Artes pon en escena esta traxedia grega de Eurípides coa que se inaugura a programación da Rede Galega de Teatros e Auditorios para este ano. Ifixenia en Áulide iníciase un amencer no campamento do exército grego.Agamenón, o xeneral das tropas, esnaquizado entre as razóns de Estado e o amor pola súa filla Ifixenia, disponse a dar unha contraorde en segredo que evite o seu sacrificio, condición necesaria para a saída da expedición grega cara a Troia e a conquista da cidade... É a historia da inmolación dunha vítima inocente para satisfacer os deuses e gañar unha guerra. Máis aínda, é a historia dunha vítima que, despois de defender o seu dereito a vivir e rogarlle ao sei pai que non a mate, acepta finalmente ser inmolada xustificando o seu sacrificio pola vitoria e a gloria do seu país. É unha historia que nos fala dos intereses e custos da guerra, así como da servidume do poder que conduce inevitablemente a antepoñer o máis odioso a cambio do que nos é máis querido. Os intérpretes recrean os feitos a través do ritual da representación, presentes en escena antes e despois das súas intervencións, escoitando, lembrando, presenciando os acontecementos. Facendo presente o pasado, facendo evidente o retorno do tráxico. A traxedia grega preséntanos enigmas esenciais á condición humana; cuestións que os homes nunca deixaron de considerar. |
