 Observaciones |
|
|
A Big Band Vilagarcía despídese do público arousán ata 2010 con este concerto.
A agrupación, formada por 21 músicos, todos eles pertencente á Banda de Música de Vilagarcía, ofrecerá un repertorio centrado nas míticas pezas que tocaban as grandes big-bands dos anos 60 e 70, con temas de Louis Armstrong, Frank Sinatra ou Glenn Miller, entre outros. O repertorio complétase con adaptacións ao “son big-band” de cancións de artistas contemporáneos como Michael Jackson ou Tito Puente.
Con esta actuación no auditorio a Big Band Vilagarcía pretende achegar a todo tipo de público a súa posta en escea. Como sinala o seu director, Jesús Nogueira, “neste último ano actuamos nas festas de San Roque e Santa Rita así como nas festas de moitas parroquias, pero o público non tivo ocasión de escoitarnos no auditorio, onde non tocamos dende hai case dous anos. Daí a oportunidade deste concerto”.
A actuación servirá ademais para poñer punto e final ao repertorio que a Big Band Vilagarcía estivo interpretando durante este ano. Tras un breve paréntese, a agrupación comezará nos vindeiros meses a preparar o novo repertorio que presentará en 2010.
|
