Observaciones |
|
|
A compañía Uróc porá en escena no Auditorio “Adosados” unha orixinal historia que relata a relación e o día a día de dous veciños que viven en chalés encostados, como pegadas están as súas vidas.
“Adosados” é unha obra que asina John Petrof e que dirixe Juan Margallo. Os dous únicos actores que interveñen no espectáculo, interpretando a dous curiosos veciños, son o propio Juan Margallo e Petra Martínez.
De dous en dous, nun chalé de encostados viven eles, El e Ela, e outros moitos dous. Estes son os máis “adosados” de todos, ata tal punto que non se podería distinguir moi ben quen é o un e a outra, ou a outra e o un, que ó non saber quen son, difícil sería saber quen se senta á esquerda e quen á dereita do espectador.
Postos a opinar, opinan sobre todo. Sobre a emigración, sobre a seguridade, sobre os tránsfugas, sobre a política e, sobre todo, sobre o que está acontecendo no momento: o teatro, que soe ser tan falso como a vida mesma..... |