 Observaciones |
|
|
Só é a particular aportación de Carlos Blanco a este ano Xacobeo. “Hai quen fai o Camiño e se atopa a si mesmo. Hai quen fai o Camiño e atopa o amor. Hai quen fai o camiño e atopa só bochas nos pés. Carlos Blanco fixo o Camiño e atopou un espectáculo de humor”, explica na súa folla de promoción.
Atascos nas corredoiras ata chegar primeiros aos albergues, pintadas fascinantes, unha hostalería con todos os matices posibles, anécdotas en varios idiomas, e, ao fin, Compostela… ou quizais Fisterra, son algúns dos temas que Carlos Blanco describe neste itinerario xacobeo-teatral de 75 minutos de duración.
A nova aventura de Carlos Blanco ten bastón, mochila e ata coche de apoio. “Que cada quen fai o Camiño como pode”, indica.
A súa mirada irónica e o seu discurso en clave de humor transita dende o máis cotiá ao máis absurdo. Sexo, maniotas, máquinas expendedoras de todo tipo de cousas, lixo, carballeiras, polígonos industriais, consellos prácticos, aventuras… E beleza, claro. Todo iso é Só, según explica o seu protagonista.
Según a crítica, publicada trala estrea de Só, “o espectáculo de Carlos Blanco aproveita o Camiño de Santiago como desculpa para facer un repaso por un humor que leva anos dándolle resultado. En certo xeito é un grandes éxitos, un resumo desas historias que se foron pulindo nos bares con clientela barulleira. Só é un espectáculo de humor directo e despreocupado”.
|
