Observaciones |
|
|
A obra “Life is a paripé”, da compañía compostelá “Obras Públicas”, é un dos títulos que este ano opta aos Premios Max de Teatro que se conceden en Galicia.
Obras públicas propón con este espectáculo un novo xénero de teatro, “o paripé”, onde a parodia e o humor deben ser rescatados dos bares e levados de volta aos teatros. Os actores César Goldi, Mos e Iolanda Muíños son os tres intérpretes deste espectáculo dirixido por José Prieto (gañador xa de dous premios Max) no que se mesturan en proporcións similares música, teatro e “cachondeo”, o que, segundo explican dende a propia compañía, dá un total final de “100 por cen de paripé”.
Unha poetisa recita poemas para os eucaliptos. Nun bar de estrada suceden historias encadeadas. Un actor decide nomear todas as posibles profesións do mundo. Unha parella de namorados xogan ao amor como se fosen un par de gilipollas... A música vainos levando por eses camiños teatrais e o público sinte que está en moi distintos escenarios. “O caso é rirse de calquera cousa porque, realmente, o teatro é unha obra pública”, aseguran dende a compañía.
En “Life is a paripé” hai moitísima enerxía louca e disparatada, pero ao mesmo tempo trátase dunha explosión de humor contida, medida e elegante. |