 Observaciones |
|
|
A tempada teatral de 2011 no Auditorio de Vilagarcía iníciase este venres, 4 de febreiro, coa posta en escea do novo espectáculo do Centro Dramático Galego (CDG), Salomé, a partir do texto de Oscar Wilde e baixo a dirección de Carlos Santiago. A representación terá lugar, como xa é habitual, ás 21 horas. O prezo das entradas é de 6 euros na zona A, 4 euros na zona B e 3 euros na zona C.
Carlos Santiago, que dirixe por primeira vez ao CDG, centrou a dramaturxia deste mito do teatro en dous grandes eixos temáticos: por unha banda, na dualidade entre a imaxe pública e a esfera privada, e por outra, na cuestión do xénero, da sexualidade e da construción social do femenino.
María Mera, Pepe Penabade, María Salgueiro, Hugo Torres, Marcos Correa e Alberte Cabarcos compoñeno elenco interpretativo desta nova produción do Centro Dramático Galego. Estes seis actores e actrices constitúen un elenco equilibrado e comprometido coa montaxe que dan vida os 15 personaxes da historia.
|
