VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O goberno local concreta coa veciñanza de Cornazo os investimentos a incluír nos orzamentos de 2024
O goberno local reuniuse onte pola tarde cunha representación da veciñanza de Cornazo co obxectivo de concretar a inclusión nos orzamentos municipais de 2024 os investimentos a realizar na parroquia. O alcalde, Alberto Varela, encabezou a delegación municipal que completaban o edil de Obras e Servizos, Lino Mouriño, e a concelleira de Cultura, Sonia Outón. Segundo a orde de prioridade fixada polos propios veciños, as actuacións, reservarase financiamento para acometer a reparación do muro da Fonte Bárbora, arranxos no centro sociocultural dos Borrizos e a instalación de medidas redutoras de velocidade nas rúas que o precisen.

26.10.2023.- A reunión encádrase na rolda de contactos que o goberno local ven mantendo de forma periódica cos colectivos das distintas parroquias e lugares do municipio a efectos de coñecer as necesidades do lugar e planificar as obras a realizar. Tamén onte pola mañá, visitouse A Laxe para manter un encontro coa veciñanza do lugar no centro Contra vento e Marea.

Na de Cornazo, Varela Paz aproveitou a ocasión para escoitar as demandas dos habitantes da parroquia e para poñer en común as posibles solucións ás necesidades transmitidas. Tamén se lles pediu que fixasen unha orde de prioridades para ir acometendo as actuacións sinaladas, así como para a inclusión de camiños no novo plan municipal de asfaltados que se está a concretar.
Avaliación das obras executadas

Finalmente, avaliáronse os últimos investimentos realizados polo Concello no lugar, como o asfaltado da rúa Souto -actuación que a veciñanza sinalara como prioritaria- ou a obra de saneamento na rúa Rianxeiro. O rexedor tamén lembrou a inminente execución da mellora da rede de saneamento na rúa Galufa a través dos remanentes cuxo reparto se aprobou no pleno de setembro e que o Partido Popular no apoiou.

< volver

+ titulares