AVISOS
A circulación en Rosalía de Castro verase afectada o martes entre as 10 e as 12 horas debido á execución de obras A Policía Local de Vilagarcía advirte de que a circulación rodada pola avenida Rosalía de Castro verase afectada mañá, martes 21 de novembro, debido ás obras que se están a realizar na urbanización situada nas inmediacións de Villa Güimil, á altura da praia da Concha. Será aí onde se peche un tramo do carril en dirección a Carril, polo que a circulación regularase de forma alterna en ámbolos dous sentidos. Segundo a empresa que realiza os traballos, o corte realizarase entre as 10 e as 12 horas.
20.11.2023.- Dada a elevada intensidade de tráfico que rexistra diariamente a avenida Rosalía de Castro, unha das principais arterias da cidade, a Policía Local recomenda aos condutores evitar transitar por esta vía mañá pola mañá e utilizar como alternativa a circunvalación norte.