VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O humor mordaz e corrosivo de Martin McDonagh chega ao Auditorio coa “Entrega en man” de Cándido Pazó
O teatro regresa esta fin de semana á axenda cultural e faino cunha comedia do famoso dramaturgo Martin McDonagh dirixida para a ocasión polo director teatral galego Cándido Pazó e representada pola compañía Contraproducións. Trátase de “Entrega en man”, unha obra louca e denegrida na que, a base dun humor mordaz e corrosivo, zumega os temas do racismo, o machismo e a xenofobia. O espectáculo terá lugar o sábado, 25 de maio, no Auditorio a partir das 20.00 horas.

20.05.2024.- As entradas para esta representación pódense adquirir anticipadamente a través de ataquilla.com (máis custes de xestión) e, de non esgotarse antes, o día da función a partir das 18 horas no Auditorio. A entrada xeral custa 5 euros e a bonificada para titulares do carné xove, persoas maiores e desempregadas, 3.

“Entrega en man” está protagonizada por Evaristo Calvo, Santi Romay, María Roja e Diego Sales.

Sinopse

Na cotrosa habitación dun cutre hotel dunha pequena e anónima vila americana, un home maduro e excéntrico ofrece unha recompensa por recuperar a man que, nun acto de cruel e gratuíta violencia, lle cortaron 27 anos atrás e que, dende aquela, leva buscando sen descanso. Un xove negro e a súa fermosa e branca moza pretenden enganalo ofrecéndolle unha man que, loxicamente, non é a súa. O estraño recepcionista do hotel entremétese e pon en risco a insólita transacción.

Con esta representación a Concellería de Cultura de Vilagarcía pecha a programación da Rede Galega de Teatros para o primeiro semestre do ano.

< volver

+ titulares