VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TERCEIRA IDADE
A Romaría das Persoas Maiores celébrase o 29 de xuño en Fexdega. Entradas á venta a partir do luns
Fexdega volverá a acoller este ano a Romaría das Persoas Maiores, unha das actividades máis esperadas polo colectivo de maiores da cidade. A festa terá lugar o sábado, 29 de xuño, e contará con todos os ingredientes que caracterizan a este multitudinario evento: gastronomía, música, baile e concursos. Un total de 550 comensais poderán participar na romaría. As entradas pódense adquirir a partir do luns, 27 de maio, nas dependencias da Concellería, en horario de 9 a 13 horas. O prezo é de 10 euros. Os interesados deberán presentar o DNI.

25.05.2024.- A Concellería das Persoas Maiores organiza e subvenciona este encontro de verán a efectos de que os asistentes poidan gozar da xornada de diversión a un prezo asumible pro todos os petos.

O menú componse de empanada de carne e de bacallau, lagostinos cocidos e carne ao caldeiro con patacas. A comida poderá regarse con viño branco ou tinto, auga mineral ou refrescos. Haberá doces de sobremesa, café e licores.

A xornada inclúe a actuación musical da Coral Rosalía de Castro e do Coro Virxe da Renda de Combarro. Ademais, un DJ amenizará o baile tras o xantar e haberá o tradicional concurso de baile. Tamén se sortearán agasallos por xentileza de Gadis, para o cal os asistentes deberán gardar a entrada con cuxo número se realizará a rifa.

Os requisitos para poder asistir á Romaría da Terceira Idade son ter 65 anos cumpridos, ser pensionista e, no caso de prexubilación, ter cumpridos os 55 anos. Si o/a solicitante vai co seu cónxuxe ou parella, non é preciso que este reúna os anteriores requisitos.

< volver

+ titulares