VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FORMACIÓN
Os socorristas do Labora Xove practican o salvamento acuático en ríos con dúas xornadas de traballo no Ulla
O alumnado da especialidade de socorrismo do obradoiro de emprego Labora Xove 2023 realizou dúas xornadas de traballo no río Ulla para practicar as técnicas de salvamento acuático en ríos, inundacións e situacións de crecidas. Os exercicios están incluídos no programa práctico a desenvolver durante a etapa formativa co obxectivo de que o alumnado conte coa preparación e a destreza necesarias para intervir en todo tipo de intervencións de rescate acuático e poida obter a titulación oficial para desempeñar profesionalmente este oficio.

29.05.2024.- As xornadas realizáronse nun tramo do río Ulla próximo a Padrón. Dirixidos por monitores especializados, o alumnado recibiu formación teórica e práctica sobre o manexo de cordas e equipos de seguridade no medio fluvial e sobre como interpretar e cruzar as correntes. Ademais, practicaron o salvamento a unha persoa arrastrada pola corrente do río e as técnicas de auxilio a vítimas conscientes e inconscientes.

Esta formación forma parte do certificado de profesionalidade que están a cursar e que lles habilitará, nun futuro próximo, para exercer como socorristas, tanto en piscinas como en espazos naturais como praias marítimas e fluviais.

O Programa de Emprego Labora Xove, promovido polo Concello de Vilagarcía de Arousa, enmárcase nas estratexias de emprego para persoas mozas do Sistema Nacional de Garantía Xuvenil e está financiando con Fondos Europeos nun 60% a través do Programa FSE+ Galicia 2021-2027.
 

< volver

+ titulares