VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O bolero máis tradicional empodérase en Carril co concerto de las Antonias
O Ágora Vermú fai escala este domingo, 2 de xuño, en Carril coa actuación de Las Antonias, a banda galega composta integramente por mulleres e cuxo traballo se caracteriza por reinterpretar as cancións tradicionais de xéneros como o bolero para darlles unha lectura de empoderamento feminista. O concerto organizado pola Concellería de Cultura celebrarase a partir das 13.00 horas na Praza da Liberdade.

31.05.2024.- Las Antonias levan traballando dende o ano 2015 coa intención de iluminar ao público con moito humor e empoderamento persoal. No seu repertorio predominan os boleros, pero a súa música enriquécese tamén co pop, a rumba e ate os ritmos ska. Os seus directos son unha festa interxeracional, con versións de onte actualizadas para os días que corren, e con letras feministas para unha festa ateigada de sensualidade, loita e diversión.

O de Carril será o cuarto dos cinco concertos programados na actual edición do Ágora Vermú. Os anteriores desenvolvéronse na rúa Méndez Núñez, no Piñeiriño e en Vilaxoán, conde actuaron Adrián Costa, FlaMeco e Néstor Pardo respectivamente. A última sesión celebrarase o 9 de xuño nos Duráns e correrá a cargo de Onfire Quartet.

O Ágora Vermú é un programa deseñado e promovido pola Concellería de Cultura co obxectivo de ampliar a oferta cultural fora da tempada de verán. A demais de descentralizar a actividade cultural levándoa a diferentes lugares do municipio, ao tratarse de sesións matutinas buscase chegar tamén ao público infantil e xuvenil, os futuros consumidores de música e de cultura.

< volver

+ titulares