VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
Vilagarcía e as súas empresas promociónanse no Salón de Turismo de Galicia a través do stand do Concello
A iniciativa pública e a privada volven a colaborar en Vilagarcía co obxectivo de promocionar a actividade turística no municipio e ás empresas locais. Desta ocasión fano acudindo ao Salón de Turismo de Galicia que se está a celebrar en Silleda e a onde Concello e empresas do sector acoden da man para dar a coñecer os recursos e atractivos turísticos da cidade, así como a calidade dos seus produtos máis exquisitos.

01.05.2024.- Para acadar este obxectivo o Concello alugou un espazo propio na feira que, ademais de aproveitar para promocionar a cidade no seu conxunto e eventos como a Festa da Ameixa ou a Festa da Auga, puxo a disposición de empresas locais para que tamén elas poidan dar a coñecer os seus servizos e produtos neste gran escaparate dirixido principalmente a operadores e axencias turísticas, pero que tamén recibe a visita dunha gran cantidade de público a título particular.

Empresas como Corticata ou a asociación Amarcarril están presentes no stand municipal para dar a coñecer e promocionar as rutas e talleres de marisqueo e as visitas a Cortegada. De igual xeito, o espazo habilitado pola Concellería de Turismo acolle material expositivo da conserveira Os Peperetes, da adega Eladio Piñeiro e do Tren Turísticio-Silest.

Con este tipo de colaboración, o departamento que dirixe Álvaro Carou pretende que touroperadoras e axencias coñezan a oferta vilagarciá e a inclúan nos seus paquetes turísticos, ademais de captar visitantes particulares entre o público que acode a esta gran mostra do turismo de Galicia que remata mañá, domingo 2 de xuño.

< volver

+ titulares