OBRAS E SERVIZOS
O Concello estende a rede de saneamento para dar servizo á futura ampliación do cemiterio parroquial de Rubiáns O Concello de Vilagarcía vén de comezar unha nova obra de ampliación da rede de saneamento en Rubiáns co obxectivo de dar servizo á futura ampliación do cemiterio parroquial. A colaboración coa institución eclesiástica consiste en levar as canalizacións ata os terreos para o novo camposanto, facendo unha prolongación dende a rede xeral que pasa pola rúa Ensino. Deste xeito a parcela contará xa co servizo para cando comece a obra, de xeito que o procedemento non sufra ningún atraso.
03.06.2024.- O persoal do servizo municipal de Obras está a executar os traballos que se prolongarán durante 15 días. Neste tempo instalarán 150 metros de canalización, realizarán á conexión co colector xeral, construirán os pozos de rexistro necesarios e , por último, reporán o firme afectado.