VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Vilagarcía convoca o proceso para contratar 12 socorristas para a tempada de verán
O Concello de Vilagarcía vén de poñer en marcha o proceso para a contratación de 12 socorristas para cubrir o servizo nas tres praias do municipio (Concha-Compostela, Campanario e Preguntoiro) durante a temporada de verán. Coa intención de iniciar o servizo o 1 de xullo, os contratos terán unha duración de tres meses e serán a xornada completa. As persoas interesadas en participar nas probas deberán inscribirse a través da sede electrónica do Concello (sede.vilagarcía.gal) ou, presencialmente, no Rexistro Xeral do Concello. As solicitudes deberán presentarse unicamente o venres 14 de xuño.

10.06.2024.- A petición deberá acompañarse de copia do DNI, da titulación requirida para o posto (título de Socorrista acuático en espazos naturais), da inscrición no Rexistro Profesional de Socorristas Acuáticos de Galicia, e do certificado de inscrición nas listas do Servizo Público de Emprego.

Independentemente de como a Xunta resolva as axudas para a contratación de socorristas convocadas o 31 de maio –con máis retraso que nunca- Ravella xa remitiu a oferta de emprego ao Servizo Público de Emprego co obxectivo de que se cite ás persoas inscritas nas súas listas para a selección que levará a cabo o 19 de xuño.

As bases que rexen o proceso para a contratación dos 12 socorristas están dispoñibles no taboleiro de anuncio do Concello e na sede electrónica. Nelas especifícanse os requisitos a cumprir polos aspirantes, a documentación a achegar á solicitude de inscrición e o sistema de realización das probas (teórica e práctica).

< volver

+ titulares