VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Carreteras del Estado autoriza a mellora do acceso ao Piñeiriño dende a rotonda de Pablo Picasso
O Concello de Vilagarcía xa conta co visto bo do Ministerio de Transportes y Movilidad para executar a mellora do acceso ao Piñeiriño a través da rúa Wenceslao Fernández Flórez. O proxecto proxectado pola administración local comeza no entronque desta rúa co vial de acceso ao Porto, de titularidade estatal, de aí a necesidade de contar previamente coa autorización da Demarcación de Carreteras do Estado. Con este permiso xa na man, nos vindeiros días sairá a licitación a obra na que se investirán 214.220 euros e que se financia a través do programa Máis Provincia.

12.05.2024.- O goberno local promove a actuación co obxectivo de corrixir as limitación que esta vía de entrada ao barrio do Piñeiriño presenta para a circulación de tráfico pesado debido á estreiteza dun dos seus tramos. A problemática resolverase co ensanche da rúa, medida que será posible ao ter asinado previamente un convenio cos propietarios da zona, que ceden gratuitamente a franxa de terreo que permitirá reaxustar a aliñación ao previsto PXOM e desfacer o pescozo de botella que se creaba nese tramo.

Con esta obra, tanto os autobuses como os vehículos longos poderán transitar pola vía, ofrecendo así máis alternativas aos accesos ao Piñeiriño dende as rúas Fontecarmoa e Camilo José Cela. Ademais, a intervención repercutirá positivamente na seguridade viaria xa que, ao gañar en amplitude, tamén se facilitará a convivencia entre peóns e vehículos.

O proxecto complétase coa renovación das redes de saneamento e recollida de augas pluviais e coa reposición do firme.

< volver

+ titulares