VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
Comeza a instalación dun corredor cuberto no campo de fútbol Mari Paz Vilas
O Concello de Vilagarcía continúa mellorando as infraestruturas deportivas da cidade, nesta ocasión cunha actuación no campo de fútbol Mari Paz Vilas, no que xa comezaron os traballos para a creación dun corredor cuberto no que se invisten 25.410 euros. Con esta obra aténdese unha petición trasladada polos clubs usuarios da instalación deportiva de Bamio , que demandaban unha zona de abrigo pola que poder transitar en paralelo ás bancadas sen mollarse nos días de chuvia.

13.06.2023.- O corredor cuberto terá unha lonxitude de 30 metros. Partirá da saída dos vestiarios e discorrerá pegado á zona da bancada, por diante das dependencias situadas no semi-soto destas. Este soportal mellorará a funcionalidade e as condicións de confort das instalacións cando chove, tanto para os deportistas, técnicos e árbitros nos seus desprazamentos dos vestiarios ao terreo de xogo, como para o público que accede ás bancadas dende o aparcamento habilitado na parte traseira das gradas.

O soportal crearase mediante a instalación dunha estrutura metálica cun sistema de piares e vigas biapoiadas. O material de cubrición será panel sandwich de chapa prelacada con illamento interno de 30 mm de polisocianurato. O proxecto prevé a instalacións dos canlóns para a recollida de augas da cuberta.

A empresa Planificación Desarrollo y Gestión de Contrucciones está executando os traballos e xa teñen colocada a estrutura sobre a que se montará a especie de viseira. A obra parará para a celebración do torneo organizado esta fin de semana polo club Bamio e continuará na vindeira semana.
 

< volver

+ titulares