VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
As persoas interesadas en participar no XXII Torneo de Tenis de Verán poden inscribirse ata o día 1 de xullo
A Fundación de Deportes do Concello de Vilagarcía organiza unha nova edición do Torneo de Tenis de Verán que se desenvolverá nas pistas de Fontecarmoa a partir do 8 de xullo. A inscrición está aberta ata o día 1 de xullo e a participación é de balde. A competición nas modalidades masculina e feminina contará coas catro categorías individuais, establecidas en función das idades dos participantes, máis a de dobres. As persoas interesadas en participar deben realizar o trámite de forma telemática a través da sección da Fundación de Deportes da sede.vilagarcia.gal e cubrindo o catálogo de procedemento (formulario) 30012.

18.06.2024.- Como xa se comentou, a competición organízase en catro categorías individuais en función das idades dos deportistas. A Categoría A será a de rapazada de 8 a 12 anos (nados entre 2012 e 2016). A Categoría B, para os tenistas de idade comprendidas entre os 13 e os 17 anos (nados entre 2007 e 2011). A Categoría Absoluta, masculina e feminina, está aberta a todas as idades e na de Veteranos poderán participar tenistas nados en 1973 e anos anteriores. Na modalidade de dobres poderán xogar parellas masculinas, femininas ou mixtas.

Como de costume, a Fundación entregará trofeos aos tres primeiros clasificados/as de cada categoría. Todos os participantes na categoría A recibirán medalla e darase un trofeo á deportividade.

< volver

+ titulares