VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

SANIDADE
Escolares de Vilagarcía, Cambados e Meis plasman en cómics o aprendido nos obradoiros para previr o consumo de alcol
A área de prevención do SPAD de Vilagarcía de Arousa levou a cabo durante os meses de marzo, abril e maio os obradoiros para previr o consumo de bebidas alcohólicas entre a poboación xuvenil. A actividade desenvolveuse en centros educativos de Vilagarcía, Cambados e Meis e contou coa participación de 350 escolares de 10 e 11 anos (5º curso de Primaria) que, como traballo final, resumiron graficamente o aprendido mediante a elaboración de cómics na actividade denominada “TBO e non che creo”.

18.06.2024.- Nos obradoiros que impartiu unha das psicólogas do SPAD a rapazada recibiu información sobre as diferentes consecuencias que a inxesta de alcohol ten na saúde, especialmente cando se consume en idades temperás. Tamén abordaron os falsos mitos e as crenzas erróneas que existen sobre os efectos das bebidas alcohólicas ligados ao ocio xuvenil e como medio facilitador da socialización ou da aprobación entre iguais. E por ultimo, aprenderon hábitos saudábeis e debateron sobre os temas tratados.

A xustificación desta intervención educativa e preventiva no ámbito escolar parte dos datos obtidos na última enquisa de ESTUDES de 2023, feita entre estudantes de 14 a 18 anos, onde se determinou que o alcol é a sustancia psicoactiva con maior prevalencia de consumo, posto que o 56,6% dos enquistados recoñeceu ter bebido alcol no último mes. Ademais, detectouse que a idade media de inicio en consumo de alcol baixou unha décima e sitúase nos 13,9 anos, un dato preocupante para a saúde dos menores.

< volver

+ titulares