VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Adxudicado o arranxo das beirarrúas no Patio Saavedra
O Concello de Vilagarcía vén de adxudicar á empresa Montajes Eléctricos J.M. Iglesias a actuación de mellora de accesibilidade na rúa Patio Saavedra. Cun orzamento de 28.015 euros financiados a través do plan Máis Provincia da Deputación, a obra permitirá arranxar as beirarrúas co obxecto de facilitar o tránsito dos peóns. Os traballos teñen un prazo de execución de un mes.

19.06.2024.- O goberno local de Vilagarcía responde con esta actuación á petición realizada pola comunidade de propietarios que puxo en coñecemento do Concello os problemas que estaban a sufrir debido ao afundimento da beirarrúa en diversos puntos o que, ademais de supoñer un risco para os peóns, propiciaba a creación de charcos. A maiores, o firme da beirarrúa presentaba un desnivel en baixada cara a fachada dun inmoble, o que provocada que a auga escorrentase cara a parede filtrándose ao baixo e ao soto.

Para corrixir estas deficiencias, as actuais beirarrúas de lousa hidráulica demoleranse e, tras nivelar e arranxar os servizos que puideran verse afectados polo afundimento (canalizacións de recollida de pluviais, saneamento, auga, etlectricidade…), reconstruirase o pavimento utilizando formigón armado. A utilización deste material resulta máis aconsellable xa que, ademais de precisar menos mantemento, a ausencia de desniveis na súa execución resulta máis cómodo e seguro para camiñar. Só se utilizará lousa hidráulica con botóns vermellos nas zonas dos pasos de peóns, sistema que permite ás persoas invidentes identificar as zonas seguras de cruce de beirarrúas.

< volver

+ titulares