VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
O 70% dos nenos e nenas que acudirán ao Campamento Urbano de Verán farano de forma totalmente gratuíta
A Concellería de Xuventude publica mañá a lista definitiva de admisións e a lista de agarda nos Campamentos Urbanos de Verán para nenos e nenas de 3 a 7 anos. O servizo prestarase nas instalacións do colexio Arealonga entre o 1 de xullo e o 14 de agosto e será totalmente gratuíto para o 70% dos participantes, xa que das 70 prazas dispoñibles, 49 están bonificadas ao 100%, comedor incluído. Ademais, a maior parte dos 21 usuarios que deben abonar cota, tamén reciben algún tipo de desconto en función da situación económica e familiar.

24.06.2024.- O Campamentos Urbanos de Verán son un programa socio educativo e de conciliación familiar organizado pola Concellería de Xuventude. Dado o obxectivo de conciliación que ten, un dos requisitos de obrigado cumprimento para poder participar é que os proxenitores (ou proxenitor en caso de familias monoparentais) teñan actividade laboral ou participen nun proceso de formación regrado ou oficial no horario de desenvolvemento do servizo.

O servizo prestarase de luns a venres cun horario de 9 a 14 horas, que se prolonga ata as 15 horas para os usuarios do comedor. Tamén para facilitar a conciliación, ofértase o Plan Madruga (con entrada de 8 a 9 da mañá) e a posibilidade de asistir durante o período completo ou por quincena, de xeito que as familias poidan axustar o mellor posible as súas obrigas e descansos laborais co período vacacional dos escolares.

Durante a súa estadía nos campamentos, os cativos realizarán actividades lúdicas, educativas e relacionais, así como saídas e visitas a distintos lugares de interese. Todo dirixido e supervisado por monitores especializados.

< volver

+ titulares