VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Vilagarcía acolle unha impactante exposición fotográfica sobre a realidade e as consecuencias dos incendios forestais
Durante todo o mes de xullo, a explanada fronte á Alameda acolle unha exposición realizada por Afundación, de Abanca, en colaboración co colectivo cultural Ollo. Titulada “Lume” é unha impactante mostra fotográfica sobre a realidade e as consecuencias dos incendios en Galicia. O alcalde fixo un chamamento á reflexión xeral xusto diante dunha imaxe do lume que asolou o monte de Xiabre en Guillán, no 2006, o mesmo ano das inundacións.

03.07.2024. LUME propón unha mirada crítica e reflexiva arredor dun problema medioambiental que asola o noso país de maneira endémica: a destrución do monte galego e do seuecosistema. As súas causas, alegan os autores da mostra, son multifactoriais (sociais, políticas, económicas, administrativas e medioambientais), como tamén son múltiples os seus efectos. O seu eixe central: o prexuízo da vida e da memoria.
A través de fotografías tomadas longo de quince anos por profesionais da imaxe en Galicia, trázase unha narrativa común que apela ao espectador, amosándolle un imaxinario común dende unha óptica próxima e honesta, pero tamén sensible e reflexiva, xerando preguntas e pensamento ao redor das causas e das consecuencias.
Os autores son fotoperiodistas das principais cabeceiras galegas e nacionais: Vanessa Casteleiro, Óscar Corral, Agostiño Iglesias, Brais Lorenzo, Adra Pallón, Oscar Pinal, Paula Quiroga. En total son 13 paneis e cada fotografía se acompaña dun texto do fotógrafo no que se aportan as súas reflexións, ademais da localidade e data na que se fixo a fotografía.

< volver

+ titulares