VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FESTAS
A confraría convoca un concurso de fotografía para enxalzar a Ameixa do Carril e a vida arredor dela
A Confraría Santiago Apóstol do Carril vén de convocar o primeiro concurso de fotografía “Ameixa do Carril”, aberto a profesionais e afeccionados e coa intención de poñer en valor e difundir a beleza do entorno natural e a vida diaria do pobo do Carril arredor este bivalvo de fama internacional. O límite máximo de presentar os orixinais –non se aceptaran aqueles que xa participaron noutros concursos ou xa foran publicados- é o día 5 de agosto, ás 23:59 horas.

13.07.2024. Segundo as bases, haberá tres premios: o primeiro, de 200 euros e unha caixa de conservas de Los Peperetes. O segundo, de 100 e unha caixa de produtos da mesma conserveira; e o terceiro, outro lote de Los Peperetes. Os gañadores daranse a coñecer coincidindo coa 39 edición da Festa da Ameixa, prevista para o domingo 11 de agosto.

O xurado encargado de seleccionar as obras gañadoras estará formado por varios fotógrafos, unha persoa do ámbito cultural e outras relacionadas coa Confraría de Pescadores Santiago Apóstol.

Poderán presentarse fotografías (un máximo de dúas) en cor ou branco e negro, cunha resolución mínima de 300 ppp, e en formato jpg. Deberán enviarse ao correo concursoameixacarril@gmail.com . O asunto do correo será “Concurso Ameixa de Carril” e no corpo se indicará o nome completo do participante, idade, correo electrónico e teléfono. As fotografías non poderán levar ningunha marca de auga, símbolo ou logo que permita identificar á persoa autora.

< volver

+ titulares