DEPORTE
A pantalla xigante para ver a final da Eurocopa trasládase á Peixería, diante das adversas previsións meteorolóxicas As adversas previsións meteorolóxicas para a tarde-noite de mañá, con probabilidades de chuvia próximas ao 100%, levaron ao goberno municipal a decidir xa que a pantalla xigante a través da cal poderá verse a final da Eurocopa entre España e Inglaterra se instalará na praza da Peixería, e non na praza da II República, como estaba previsto inicialmente.
13.07.2024. Os servizos municipais de Obras e Electricidade, ademais da empresa que aluga a pantalla, de 4,30 x 2,40 metros, realizarán esta tarde os traballos, de xeito que a Peixería quede xa preparada para cando mañá, arredor das 20:30 horas, comece a emisión. Para maior comodidade, os afeccionados disporán de cadeiras.