VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MEDIO AMBIENTE
Mocidade de Vilaxoán e Concello organizan unha xornada de voluntariado para limpar a praia do Castelete
A conciencia social e medioambiental da mocidade de Vilaxoán ven de propiciar a posta en marcha dunha acción de voluntariado para limpar a praia do Castelete. Un colectivo de mozas e mozas da localidade mariñeira, en colaboración co Concello de Vilagarcía, organizan a próxima semana dúas xornadas destinadas a mellorar o estado do areal mediante a retirada dos numerosos entullos que aínda se poden encontrar nel debido a que hai anos o lugar era utilizado para verter restos de obras. Os organizadores fan un chamamento á poboación para que participe na iniciativa solidaria.

19.07.2024.- A acción desenvolverase o martes 23 e o mércores 24 de xullo pola mañá, aproveitando as mareas vivas desas datas. As tarefas de limpeza realizaranse de 10 a 13.30 horas, durante o período de seca co obxectivo de poder abarcar a maior extensión posible de areal e retirar a maior cantidade de entullos.

O Concello de Vilagarcía colaborara na iniciativa dispoñendo unha brigada de 12 operarios de distintos servizos municipais que se sumarán aos mozas e mozos de Vilaxoán e a todas as persoas que acudan á convocatoria. A administración local tamén porá os medios necesarios para recoller e retirar o lixo do Castelete, areal habilitado dende hai uns anos como praia canina.

Precisamente, cando se acondicionou o areal como zona de recreo e baño con cans, o Concello xa retirara unha grande cantidade de entullos. Malia todo, o movemento da area e a erosión causada polas mareas segue a deixar restos ao descuberto afeando a praia e xerando incomodidade para o seu uso por parte de persoas e animais. A acción de voluntariado que se leva a cabo a semana que vén pretende mellorar esta situación mediante a colaboración cidadá e do Concello.

< volver

+ titulares