CULTURA
Fantasio na Rúa pasa mañá por Trabanca Badiña cos “Amigos hasta la muerte” de Javier Veiga A veciñanza de Trabanca Badiña e todas as persoas que desexen gozar dunha noite de cine ao aire libre terán a oportunidade de facelo mañá, venres 26 de xullo, nesta parroquia de Vilagarcía grazas ao Fantasio na Rúa. O programa organizado pola Concellería de Xuventude proxecta mañá, venres 26 de xullo, “Amigos hasta la muerte”, a primeira incursión na dirección do cómico galego Javier Veiga. A sesión celebrarase a partir das 22.00 horas no parque do centro sociocultural do lugar.
25.07.24.- “Amigos hasta la muerte” estrenouse en 2023. Trátase dunha comedia para maiores de 12 anos protagonizada por Javier Veiga, Marta Hazas, Mauricio Ochmann, Xosé A. Touriñán, David Amor, Xoel López.
Sinopse
María, Nacho y Suso son tres amigos de toda a vida. Xuntos compartiron moitas cousas, se cadra demasiadas…E de súbito a dous deles vailles tocar compartir o segredo de que o outro vai morrer en breve. Pero antes, quédalles moito por facer: plans, promesas, reproches, risas, reconciliacións, lembranzas, mais risas, algunha bágoa…e algo pendente que chegou a hora de destapar. Os tres van descubrir o pouco que importan as cousas que parecían importantes.