VILAGARCIA DE AROUSA

CONCELLO
A Biblioteca municipal xa é un dos 26 espazos cardioprotexidos habilitados polo Concello
A nova Biblioteca Municipal de Vilagarcía vén de converterse nun espazo cardioprotexido grazas á dotación dun desfibrilador semiautomático DESA co que poder dar unha rápida resposta en casos de risco vital a persoas en situación de parada cardíaca. Con este xa son 26 os espazos cardioprotexidos habilitados en dependencias municipais e proximamente sumaranse outros dous coa instalacións de equipos no centro sociocultural e deportivo de Vilaxoán e na nave de deportes náuticos do Ramal.

25.07.2024.- Os desfibrilador da Biblioteca colocouse no recibidor, preto das escaleiras de entrada, de xeito que sexa perfectamente visible e teña un doado acceso para facilitar a súa utilización en caso de ser necesario. Ademais, a existencia dos espazos cardioprotexidos advírtese mediante carteis de xeito que a xente poida atopalos facilmente para recorrer a eles en caso de producirse unha emerxencia sanitaria. É importante que se coñeza a existencia e a localización dos 26 DESA para que calquera persoa poida dirixirse ao máis próximo en caso de que alguén o precisase.

Anteriormente ao da Biblioteca, o Concello de Vilagarcía xa tiña instalados desfribriladores de acceso público noutras instalacións municipais: Praza de Abastos, Escola Municipal de Música, consistorio, Auditorio, Escola Obradoiro, Salón García e pavillón de Fexdega; e nas instalacións deportivas de Fontecarmoa, os pavillóns Castelao-Helena Mariño, de Faxilde, A Torre, Guillán e Carril; así como nos campos de fútbol Manuel Jiménez, Berdón, Vilaxoán, A Lomba, Bamio e A Pelada.

A todos estes puntos súmanse en verán os DESA dos postos se socorro das praias do campanario (Bamio) e da Concha-Compostela e, ao longo de todo o ano, outros cinco equipados noutros tantos vehículos do Servizo Municipal de Emerxencias, cos que se pode chegar a cualquera parte do municipio onde sexa preciso.

Cidade Cardioprotexida

Con este plan de creación de espazos cardioprotexidos, o goberno local pretende por os medios necesarios para poder atender calquera situación de emerxencia no menor tempo posible, sumándose así as numerosas campañas que se están a realizar en diferentes ámbitos para dotar as rúas e instalacións públicas de desfibriladores de uso público xa que, en situacións de paro cardíaco, a rapidez na actuación soe ser esencial para salvar unha vida. Con isto Vilagarcía segue avanzado de cara a converterse nunha Cidade Cardioprotexida.