MEDIO AMBIENTE
A limpeza extraordinaria da praia do Castelete saldouse coa retirada de 4.500 quilos de entullos A praia canina do Castelete presenta dende hai uns días o seu mellor aspecto grazas á limpeza extraordinaria levada a cabo a semana pasada. As dúas xornadas de traballo organizadas polo Concello a iniciativa dun grupo de mozos e mozas usuarias do areal saldáronse coa retirada de catro toneladas e media de restos de entullos que afeaban e dificultaban o goce da praia por parte de persoas e mascotas. A experiencia resultou altamente positiva tanto pola acollida da poboación que participou voluntariamente na limpeza, como polo resultado da acción de carácter medioambiental.
29.07.2024.- As labores de limpeza realizáronas unha brigada de operarios pertencentes a varios servizos municipais e as persoas, especialmente mocidade, que de modo voluntario responderon ao chamamento. A recollidas dos entullo fíxose de forma manual o primeiro día, e co apoio dunha maquina aportada por Urbaser, o segundo.
Como xa se dixera, a eleva presenza de restos entullos de obra no Castelete débese a que antigamente, e durante anos, a zona foi utilizada como punto de vertedura deste tipo de residuos. Por iso, aínda que o areal acondicionouse e limpouse cando se habilitou como praia canina, os restos vao aflorando de novo debido á erosión do mar e ao movemento da area.