VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
A empresa Galsur acometerá o ensanche e mellora do camiño da rúa Canto, en Sobrán
A Xunta Local de Goberno do Concello de Vilagarcía acordou na reunión de onte adxudicar á empresa Galsur Proyectos y Obras S.L.U. a execución da mellora da rúa Canto, en Sobrán, por importe de 73.474 euros (IVE incluído). Os traballos forman parte do plan de mellora e mantemento da rede viaria municipal que desenvolve o Concello e cofináncianse cunha achega da Axencia Galega de Desenvolvemento Rural (Agader).

31.07.2024.- Con esta nova actuación na parroquia de Sobrán o goberno local continúa coa renovación das comunicacións das zonas do rural, neste caso actuando sobre un camiño que se atopaba bastante deteriorado debido ao desgaste polo intenso tráfico que soporta. Co obxectivo de arranxar as fendas e as numerosas fochancas que dificultan o tránsito e representan un risco para a circulación, o Concello programou a obra que, ademais de renovar por completo a capa de rodadura, incluirá outras melloras, como o acondicionamento da rede de drenaxe ou a construción de lombos redutores de velocidade. Para que o firme quede nas mellores condicións, fresarase a capa de rodadura actual para, a continuación, botar unha nova de 6 centímetros de grosor.

Actualmente o camiño presenta un ancho variable coa alternancia de estreitos tramos de 4 metros con outros que chegan ata os 10, o que, ademais de dificultar a circulación, supón un risco tanto para os vehículos como para os peóns. Pos iso, para mellorar a seguridade viaria, os traballos aproveitaranse para ensanchar a vía nas zonas onde sexa posible, de xeito que o ancho medio do camiño pase a contar con 7,1 metros.
 

< volver

+ titulares