VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

COMERCIO E INDUSTRIA
A Praza de Abastos de Vilaxoán estreará en setembro os equipos de refrixeración e dotarase de placas solares
O Concello de Vilagarcía vén de adxudicar a Isidro Fernández Portas o subministro e instalación dos novos equipos de refrixeración cos que dotará á Praza de Abastos de Vilaxoán. O contrato, cun valor de 31.314,80 euros, materializarase no mes de setembro debido a que as fábricas subministradoras dos equipos non traballan en agosto. Esta non será a última das melloras que o goberno local promoverá no mercado vilaxoanés, no que tamén está previsto instalar un sistema fotovoltaico para a xeración de enerxía eléctrica para autoconsumo colectivo. A actuación, que se contratará nas vindeiras semanas, requirirá un investimento doutros 21.804 euros.

05.08.2024.- No que se refire aos sistemas de frío, o contrato inclúe a adquisición, instalación e posta en funcionamento de tres cámaras frigoríficas: unha para froitas, outra para a carne e unha terceira para peixe, que se colocará debaixo do mesado das pescantinas. O contrato tamén inclúe dúas vitrinas expositoras con frío ventilado para exhibir produtos de carnicería e charcutería por un lado e froita por outro.

Con estas dúas novas medidas, o goberno local de Vilagarcía completa a modernización da Praza de Abastos de Vilaxoán, un proceso que se iniciou co arranxo da cuberta en 2018 e cun investimento de 33.000 euros, e que continuou co proxecto de reforma interior levado a cabo esta primavera e ao que o Concello destinou outros 230.000 euros do Plan Concello e das EDUSI. Tamén nos últimos meses se dotou ao mercado público dun punto de recarga para vehículos eléctricos.

Ademais de mellorar o servizo que presta á veciñanza o mercado público, con todas estas melloras o goberno local confía en que a sala de abastos de Vilaxoán atraia a máis vendedores, aumente a clientela e contribúa a fixar poboación.

< volver

+ titulares