VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
O parque da Coca e o campo da festa de Sobradelo, seguintes paradas do Fantasio na Rúa
O programa de cine ao aire libre organizado pola Concellería de Xuventude comeza a semana con sesións no parque da Coca e en Sobradelo. A película elixida para o paseo fluvial é “Dragones y Mazmorras: honor entre ladrones”, que se proxectará hoxe, luns, a partir das 22.30 horas. E no campo da festa de Sobradelo, mañá martes, a partir das 20.30 horas, exhibirase o film de animación “A elefanta do mago”. Dúas interesantes citas para gozar de cine para todos os públicos en escenarios ao aire libre destes dous barrios vilagarciáns.

05.08.2024.- “Dragones y Mazmorras” é a adaptación cinematográfica do famoso xogo de rol realizada en 2023 polo americano Michael Jacobs e protagonizada por Chris Pine, Michelle Rodriguez, Regé-Jean Page, Justice Smith, Hugh Grant, Sophia Lillis, Chloe Coleman, Jason Wong, Daisy Head e Sophia Eleni. O film relata como un ladrón encantador e unha banda de aventureiros emprenden un atraco épico para recuperar unha reliquia perdida. Pero as cousas saen rematadamente mal cando se topan coas persoas equivocadas.

Pola súa banda, “A elefanta do mago” é un film de animación do ano 2023, tamén de factura estadounidense. Dobrada ao galego, a película conta a historia dun valente neno que acepta os tres retos imposíbeis que lle esixe un rei a cambio de conseguir unha elefanta máxica… e a oportunidade de cumprir o seu destino.

< volver

+ titulares