DEPORTE
Adxudicado o novo videomarcador electrónico para o Campo Municipal da Lomba A Xunta de Goberno Local do Concello de Vilagarcía aprobou na reunión desta semana adxudicar á firma UFA Tecnologías de Comunicación S.L. a compra dun videomarcador electrónico de pantalla led para o Campo Municipal de Fútbol da Lomba. O contrato por importe de 21.954,24 euros inclúe o subministro e a instalación do equipamento e finánciase cunha achega do Plan de Infraestruturas Deportivas da Deputación Provincial.
06.08.2024.- Con este novo investimento o Concello de Vilagarcía continúa mellorando e dotando de novos equipos ás instalacións deportivas municipais. A previsión é que o videomarcador estea operativo para o inicio da nova tempada.