VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FESTAS
Os tickets para as consumicións na Festa da Ameixa do domingo poderán adquirirse o sábado na Praza de Galicia
Co obxectivo de evitar colas e esperas na Festa da Ameixa do Carril que se celebra o domingo, a Confraría de Pescadores Santiago Apóstolo, organizadora do evento, decidiu facer unha venda anticipada dos tickets para as consumicións. Será este sábado, o día anterior á cita gastronómica, na Praza de Galicia, onde todas as persoas que o desexen poderán adquirir os billetes para trocar o domingo no Carril polas racións das saborosas ameixas á mariñeira e as bebidas incluídas na carta, de xeito que o día da festa poderán dirixirse directamente ao mostrador de despacho das viandas. A carpa funcionará de 11 a 14 horas.

06.08.2024. Os prezos das consumicións mantéñense como o ano anterior. A ración de ameixa xapónica á mariñeira custará 12 euros e leva incluídos pan e prato conmemorativo. A botella de albariño tamén se venderá a 12 euros, as cervexas e refrescos a 2 euros e a auga a 1,50. Ademais dos tickets para as consumicións, na carpa da Praza de Galicia tamén se venderán produtos publicitarios da Festa da Ameixa do Carril, como camisetas a 10 euros e bolsas de tea a 8.

Os que prefiran esperarse ao mesmo día da festa, terán a oportunidade de adquirir os billetes das consumicións no recinto situado nas inmediacións da lonxa do Carril a partir das 11 da mañá do domingo. A degustación, ao igual que os actos festivos, comezará ás 12 do mediodía e manterase ata esgotar existencias.

< volver

+ titulares