CONCELLO
A versión impresa do programa das festas xa se pode recoller nas dependencias municipais Os programas de man das Festas de San Roque 2024 atópanse desde esta mañá a disposición do público na súa versión impresa. O Concello editou 5.000 libriños coas actividades programadas nos festexos patronais que se celebran do 14 ao 25 de agosto, e no que tamén se recollen os actos culturais, lúdicos e deportivos a desenvolver durante todo o mes de agosto e ata principios de setembro.
08.08.2024.- Os programas distribúense na portería do Concello, na Oficina de Información Turística do Cavadelo, no Auditorio e na Biblioteca Municipal. Ademais, realizouse un reparto por locais comerciar e hostaleiros do centro urbano e tamén se porán algúns exemplares a disposición do público na Festa da Ameixa que se celebra o domingo 11 de agosto no Carril.
O programa completo tamén se pode consultar na súa versión dixital a través do banner da páxina web municipal http://www.vilagarcia.gal