VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello mellorará un tramo da rede de abastecemento de Rosalía de Castro para minimizar as perdas de auga
O Concello de Vilagarcía continúa coa mellora das redes municipais de servizos básicos co obxectivo de elevar a calidade da prestación á veciñanza e garantir a sustentabilidade medioambiental dos servizos. A seguinte actuación a poñer en marcha será a renovación dun tramo da rede principal de abastecemento na avenida Rosalía de Castro co fin de evitar avarías e reducir as perdas de auga que se producen polo mal estado da vella canalización. A obra afectará ao tramo que discorre entre a Praza da Constitución e o cruce coa rúa Santa Lucía.

08.08.2024.- O proxecto, que xa foi aprobado pola Xunta de Goberno Local, está orzado en 46.295,22 euros que se financiarán cunha achega de 37.036,18 euros concedida por Augas de Galicia a través da liña de axudas para a execución de obras co fin de minimizar as perdas de auga no sistema de abastecemento das entidades locais de Galicia, e á que o Concello engadirá os 9.259,04 euros restantes.

Unha vez aprobado o proxecto e obtida a subvención, os traballos licitaranse nas vindeiras semanas. A obra consistirá na substitución do antigo colector de fibrocemento da marxe dereita da rúa por outro de maior diámetro de PVC. En paralelo á instalación principal estenderase unha rede de servizo, tamén de PVC pero de menor caudal, para o enganche das acometidas actuais, instalaranse unha boca de rego e/ou purga e as válvulas de conexión inicial e final. Ademais, executaranse as 12 acometidas de abastecemento con chave de paso e arqueta.

< volver

+ titulares