VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

AVISOS
A previsión de chuvia para a tardiña do domingo obriga a trasladar o Folk no Alobre ao a 29 de setembro
A romaxe urbana do Folk no Alobre adíase ao 29 de setembro debido ás chuvias previstas para a tarde-noite deste domingo e que estragarían a celebración da maior parte dos concertos previstos no programa. Aínda que os prognósticos non anuncian chuvias ata a tardiña da xornada dominical, hai que ter en conta que os concertos previstos comezan ás seis da tarde e rematarán ás once da noite, co que a chuvia impediría a súa celebración no marco do parque Enrique Valdés Bermejo no que se enmarca esta celebración popular.

30.08.2024.- Precisamente, polo carácter de romaría ao aire libre concibida na contorna natural e histórica do Castro de Alobre, o traslado a outro emprazamento queda descartado para non perder a esencia do evento.

Malia este imprevisto, a cita co Folk no Alobre queda sinalada na axenda cultural e festiva de Vilagarcía para o domingo 29 de setembro, confiando en que o veraniño de San Miguel permita celebrar esta animada romaría popular con total normalidade e nas mellores condicións para que nenos e adultos gocen de todas e cada unha das actividades propostas polo Concello e o colectivo Pés de Barro: visita guiada, o ritual das Penas do Alobre, obradoiro de baile tradicional, almorzo ao aire libre e moita música.

< volver

+ titulares