VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
Turismo pecha a inscrición na andaina do Goza do Ulla ao superar o centenar de participantes
A Concellería de Turismo pechou esta mañá a inscrición da andaina do programa Goza do Ulla ao ter superado xa o centenar de participantes. En concreto son 140 as persoas anotadas á ruta guiada “Ollando o Ulla e a Ría” que se celebrará este domingo, 8 de setembro, e que levará aos asistentes polas ladeiras do monte Xiabre para admirar as fermosas vistas que dende os miradoiros da Cruz e de Bamio se poden contemplar do curso do río Ulla dende Padrón ata a súa desembocadura no mar, así como da ría de Arousa en toda a súa extensión.

05.09.2024.- A andaina de 14 quilómetros é de dificultade media e está previsto que teña unha duración aproximada de 3 horas. Os asistentes irán acompañados por un guía da empresa Corticata Turismo Medioambiental e cada participante recibirá un pequeno avituallamento por deferencia da Concellería. A saída está prevista ás 9.30 horas dende o Punto Limpo de Pinar do Rei, lugar onde tamén rematará.

Ademais de gozar das excelentes panorámicas do río Ulla e da ría de Arousa a través de boa parte do percorrido, dende os privilexiados balcóns dos miradoiros da Cruz de Xiabre (o máis elevado) e de Bamio, os participantes poderán admirar os meandros e Os Lombos do Ulla, os parques de cultivo de ameixa e o pobo mariñeiro de Carril, Cortegada, a illa máis verde e frondosa do Parque Nacional das Illas Atlánticas, os parques de bateas de cultivo de mexillón na ría e, si o día e claro, ata visualizar o perfil das illas Cíes na boca da ría de Vigo.

< volver

+ titulares