VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FORMACIÓN
O persoal municipal recibe formación en primeiros auxilios e uso de desfibriladores
O persoal do Concello de Vilagarcía comeza hoxe a recibir formación en primeiros auxilios e uso de desfibriladores. Os técnicos do Servizo Municipal de Emerxencias serán os encargados de impartir as sesións que combinan contidos teóricos con prácticos co obxecto de que os traballadores e as traballadoras adquiran os coñecementos básicos para actuar ante unha situación de urxencia que poida producirse nas dependencias municipais e saiban asistir a unha persoa en parada cardíaca ou respiratoria ata o momento da chegada dos servizos médicos.

09.09.2024.- O plan formativo comeza hoxe coa sesión que recibirá o profesorado do Conservatorio Municipal e mañá será a quenda do equipo docente da Escola Municipal de Música. O programa estenderase a todos os servizos municipais, continuando a semana que vén co plantel da Biblioteca e, de seguido co do das prazas de abastos e a Fundación Municipal de Deportes.
Para impartir as clases, o persoal de Emerxencias servirase de audiovisuais explicativos na parte teórica, e cos manequíns médicos e os equipos DESA similares aos que existentes nas instalacións municipais, para a realización de prácticas.

Dado que dunha atención axeitada nos primeiros minutos pode depender a vida dunha persoa que sufra unha parada respiratoria ou cardíaca, a formación en primeiros auxilios ofrecerase tamén á poboación en xeral, con sesións e demostracións a pé de rúa nas que poderán participar todas as persoas que o desexen. Esta tarde, entre as 16 e as 19 horas, Emerxencias realizará unha destas sesións na Praza da II República, e nas seguintes semanas do mes haberá actividades similares nas prazas de Vilaxoán, Carril e no centro de Vilagarcía.

< volver

+ titulares