VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
Arrancan na Praza de Abastos os obradoiros de cociña “O noso mar no teu prato”
O ciclo de obradoiros de cociña “O noso mar no teu prato”, organizado polas concellerías de Turismo e Promoción Económica, arrancan hoxe e mañá no espazo gastronómico da Praza de Abastos de Vilagarcía. A partir das 11.30 horas, Xoanqui Ameixeiras compartirá o seu saber sobre os produtos e as receitas típicas da nosa zona con todas as persoas que desexen achegarse ata o mercado público. O ciclo para promocionar a gastronomía da Ruta Mariñeira de Vilaxoán a Carril continuará o xoves e o venres da semana que vén con outros dous showcookings no mercado público.

12.09.2024.- O programa “O noso mar no teu prato”, é unha actividade financiada polo Galp. As sesións de cociña son gratuítas e están abertas a todo o público sen necesidade de inscrición. Os asistentes poderán aprender a cociñar receitas a base dos produtos de proximidade que se poden adquirir nos mercados públicos da cidade. Tamén se lles explicarán novas técnicas ou formas de tratar o produto local e de sacar o mellor rendemento ao de tempada.

Ademais dos obradoiros para adultos impartiranse dous para público infantil, así como sesións formativas para profesionais do sector da hostalaría de Vilagarcía.
O ciclo, que se prolongará ata mediados de novembro, pasará tamén pola Praza de Abastos de Vilaxoán e a lonxa de Carril, onde ademais haberá actividades de dinamización a cargo da compañía de Nelson Quinteiro e, no caso de Carril, obradoiros de marisqueo.
 

< volver

+ titulares