VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
O Conservatorio organiza un curso de iniciación á música dirixido a nenos e nenas que cumpran oito anos en 2025
O Conservatorio Profesional de Música de Vilagarcía de Arousa vai poñer en marcha de inmediato un novo Curso de Iniciación á Música destinado, principalmente, a nenos e nenas que cumpran 8 anos no 2025, é dicir, a aqueles que naceron en 2017. O curso terá unha hora de duración semanal, os martes de 18:00 a 19:00 horas, dende outubro de 2024 a maio de 2025.

03.10.2024. Susana Blanco Novoa, Titulada Superior de Violonchelo polo Conservatorio Superior de Música de Vigo, doutora en Educación e profesora do centro vilagarcián será a encargada de coordinar a experencia. Contará ao longo do curso académico coa colaboración do claustro de profesores do Conservatorio, todos eles titulados nas diferentes especialidades instrumentais que se imparten no centro e que farán posible que os nenos e nenas asistentes a este curso poidan ter un achegamento real aos diferentes instrumentos, probando, tocando, vendo e escoitando.

A finalidade deste curso é que o alumnado que asista ao mesmo adquira coñecementos básicos dun xeito lúdico e participativo a través da experimentación e do xogo, sentando así as bases correctas cara o ensino da música que posteriormente poderá cursar, ben sexa no Conservatorio, mediante as ensinanzas regradas conducentes a titulación oficial, ou noutros centros de ensino.

MATRICULACIÓN DO ALUMNADO
A matriculación do alumnado pode facer online ou de xeito presencial. Os inscritos deberán ter unha idade mínima de 7 anos cumpridos en 2024. A documentación a aportar pode descargarse da web do CMUS https://www.edu.xunta.gal/centros/cmusprofesionalvilagarcia / e deberá ser remitida ao correo electrónico secretaria@cmusvilagarcia.gal

PAGAMENTO DAS TAXAS
Unha vez recibida a solicitude de matrícula, o conservatorio remitirá por correo electrónico a cada solicitante o documento de liquidación das taxas do curso de Iniciación, por un importe anual de 82,65 €.

< volver

+ titulares