VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O Concello reedita a súa colaboración anual co Cine Club Ádega mediante un convenio dotado con 4.000 euros
A Concellería de Cultura do Concello de Vilagarcía vén de reeditar a súa colaboración anual co Cine Club Ádega coa firma dun convenio dotado con 4.000 euros. A axuda ten como finalidade concreta financiar a programación regular que a entidade desenvolve mensualmente e ao longo de todo o ano no Salón García, así como as actividades da Semana de Cine que organiza en verán. A axuda proporcionada polo departamento que dirixe Sonia Outón complétase coa cesión gratuíta do local para realizar as proxeccións e co material publicitario para promocionalas.

10.10.2024.- Este novo convenio establécese no marco da colaboración que a Concellería presta ás entidades sen ánimo de lucro que contribúen a dinamizar a actividade cultural do municipio. No caso de Ádega, pola labor que leva realizando dende a súa fundación en 1976 para facilitar o acceso da cidadanía á mesma a través da promoción das artes cinematográficas e audiovisuais.

Na actualidade, o Cine Club conta cunha programación ordinaria con proxeccións no Salón García-, e outra de carácter extraordinario consistente na organización da Semana de Cine. Na primeira prográmanse películas non comerciais e en versión orixinal, con apartados temáticos como o do “Mes da Muller” e os ciclos “Cinema Galego” e “Cine Nórdico”. Ademais, nos últimos anos algunhas sesións compleméntanse con charlas e coloquios nas que participan directores e profesionais da sétima arte.

No que respecta á Semana de Cine, a maiores dos tradicionais pases de películas en sala, o evento inclúe proxeccións ao aire libre, sesións con música en directo e outras actividades complementarias como obradoiros e conferencias.

< volver

+ titulares