VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

PATRIMONIO
O Concello dotará de iluminación ornamental ao conxunto histórico de Vista Alegre
A Concellería de Turismo do Concello de Vilagarcía promove unha iniciativa para poñer en valor o conxunto histórico-artístico de Vista Alegre mediante a instalación de iluminación ornamental. Co obxectivo de resaltar os elementos máis representativos do monumento integrado por pazo, igrexa e convento instalaranse focos que apuntarán e porán en relevo o arco, as torres e os escudos de armas que figuran na fachada este (á que dá ao parque da Xunqueira) e na oeste (a carón da entrada ao templo).

10.10.2024.- O proxecto execútase a través da Mancomunidade do Salnés cun orzamento de 47.788 euros (IVE incluído) que se financian a través dos fondos europeos. Actualmente atópase en fase de licitación.

A intervención consistirá en colocar torres de iluminación situadas en puntos estratéxicos. Cada poste disporá de varios focos orientables que se dirixirán ás zonas a resaltar. Isto, ademais de actuar como medida ornamental que aportará beleza ao conxunto durante as horas de pouca luz e en horario nocturno, contribuirá a que moita xente repare en elementos que antes podían pasarlles desapercibidos. Deste modo, tamén se promove o coñecemento do patrimonio e da historia local.

Por descontado, utilizarase tecnoloxía led, máis eficiente e sostible. Ademais, os sistemas serán versátiles, dotados da gama RGB, de xeito que permitan cambiar a tonalidade da iluminación, por exemplo, para celebrar certas conmemoracións que se distinguen cunha destas cores.

A realización deste proxecto enmárcase na liña de medidas para a recuperación, mantemento e conservación do patrimonio artístico, histórico e etnográfico local que está a desenvolver dende hai anos o executivo que dirixe Alberto Varela. Neste caso, actuando sobre un dos recursos de maior valor e polo que máis se identifica a Vilagarcía: o conxunto de Vista Alegre, cuxo pazo conta coa declaración de (BIC), Ben de Interese Cultural, dende de 1980.

< volver

+ titulares