VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

SANIDADE
Escolares de Vilagarcía aprenderán as técnicas de reanimación RCP o día mundial da parada cardiopulmonar
O 16 de outubro conmemórase o Día Mundial da Parada Cardiopulmonar. Co obxectivo de continuar sensibilizando á poboación sobre a necesidade de que calquera persoa coñeza as técnicas básicas de reanimación, en Vilagarcía desenvolverase o mércores un programa formativo destinado a escolares. Será o persoal do Servizo Municipal de Emerxencias, do PAC de San Roque, do Hospital do Salnés e do 061 quen forme ao alumnado.

14.10.2024.- Os obradoiros celebraranse a partir das 10.30 horas no Auditorio Municipal, estando prevista a asistencia de escolares de 5º e 6º curso de Primaria de cinco centros educativos: O Piñeiriño, Arealonga, A Lomba, Anexo e San Francisco.

Os servizos técnicos disporán de diverso material para ensinar á rapazada, que despois de visualizar un breve vídeo explicativo adaptado as súas idades, realizarán prácticas de reanimación cardíaca e respiratoria utilizando os bonecos sanitarios.

A realización destes programas de sensibilización e formación é unha necesidade que se desprende das estatísticas, que apuntan que as enfermidades cardiovasculares (infartos de miocardio e accidentes cerebro vasculares) constitúen a primeira causa de morte no mundo. A Reanimación Cardiopulmonar ou Respiratoria (RCP) consiste na aplicación de técnicas manuais de primeiros auxilios básicos ante un ataque cardíaco. O seu obxectivo é reactivar a respiración e os latidos do corazón ata que a persoa afectada poida recibir atención médica de emerxencia. Desta primeira atención depende en moitos casos a supervivencia da vítima.

O Servizo Municipal de Emerxencias do Concello de Vilagarcía desenvolve dende hai meses un programa con similares obxectivos destinado ao persoal municipal. Trátase de formar nas técnicas de RPC manuais e tamén de ensinar a utilizar os desfibriladores que se foron instalando en distintos edificios públicos.

< volver

+ titulares