VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
O pavillón de Fontecarmoa disporá de videomarcadores dende a vindeira semana
O pavillón número 1 do complexo polideportivo número 1 de Fontecarmoa -que pronto será rotulado co nome de Sara Gómez, en homenaxe á ex xogadora de baloncesto- dará a vindeira semana un novo paso para completar a súa nova equipación. Trátase dos dous vídeo marcadores que substituirán ao vello aparello de simples función. Os novos teñen unhas dimensións sensiblemente superiores ao actual: catro metros de longo por dous e medio de alto.

17.10.2024. Por suposto, dispoñen de tecnoloxía LED e dun software que permitirá usalos moito máis alá das necesidades propias da anotación dun partido, de xeito que poderán servir de vehículo para proxectar vídeos promocionais ou informativos, publicidade, etcétera. As pantallas serán instaladas a vindeira semana polos técnicos de Mondo, a empresa adxudicataria, que tamén impartirán un cursiño de manexo aos técnicos da Fundación de Deportes.

Pola súa banda, a instalación do vídeo marcador do estadio municipal da Lomba, tamén xa adxudicado, está pendente da melloría do tempo meteorolóxico. Ao tratarse dun espazo aberto e das propias características do LED, durante a execución dos traballos debe haber unha ausencia absoluta de humidade. O mal tempo condiciona igualmente a desmontaxe do actual marcador, primeira condición para instalar o novo armazón metálico que finalmente servirá de soporte para o videomarcador. Como no pavillón de Fontecarmoa, o da Lomba terá tamén a función de pantalla publicitaria e informativa. O investimento acada os 22.000 euros e foi adxudicado á empresa UFA Tecnologías de Comunicación S.L.

< volver

+ titulares