VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O auditorio acolle este venres un espectáculo de maxia e humor de Cayetano Lledó dirixido a toda a familia
O auditorio de Vilagarcía acollerá o vindeiro venres un espectáculo para todos os públicos nos que se mesturará a maxia co humor, o malabarismo e o teatro. Trátase do "Especial Nadal" do polifacético artista vigués Cayetano Lledó, que ten actuado en moitos países do mundo e posúe numerosos premios pola orixinalidade das súas propostas. O espectáculo comezará ás 18:00 horas, con entrada gratuíta e libre, sen reserva e ata completar aforo. Está dirixido a toda a familia, dende nenos de dous anos ata os seus avós ou bisavós.

30.12.2024. Como é habitual nel, Cayetano fará unha posta en escena distinta ao esperable de calquera outro ilusionista. Será en realidade un espectáculo de variedades con ambientación centrada nas festas do Nadal. O actual presidente da Asociación de Magos de Galicia daralle vida a moitos dos personaxes típicos destas datas, incluídos os propios Reis Magos, que non se escaparán do humor do ilusionista, actor e produtor.

Cayetano Lledó (Vigo, 1997) foi elixido cuarto mellor mago do mundo no congreso de Corea do Sur en 2018, un recoñecemento que se suma aos outros recibidos en festivais e encontros profesionais internacionais. Nos seus espectáculos adoita fusionar a interpretación e a comedia con outras moitas disciplinas, como o malabarismo de contacto, , o canto, a pintura rápida, o clown, a danza, o transformismo, o mentalismo e ata o escapismo. En definitiva, un artista total que non deixa a ninguén indiferente e que en Vilagarcía, a diferenza doutras cidades, as familias poderán desfrutar de xeito gratuíto por iniciativa da Concellería de Cultura.

< volver

+ titulares