VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello de Vilagarcía pon en marcha un plan de mantemento de beirarrúas no casco urbano
Vilagarcía, 21 de xaneiro de 2025.- A Xunta Local de Goberno vén de aprobar a posta en marcha dun plan de reparación de beirarrúas que se porá en marcha no casco urbano da vila de xeito inmediato. O presuposto para as obras de mantemento ascende a 48.000 euros.

Trátase dunha acción máis do Concello por garantir a accesibilidade e contribuír a unha mellor conservación dos espazos e vías públicas polas que transitan os peóns, evitando molestias e riscos de tropezo que se poidan dar nas zonas onde existan beirarrúas afundidas ou lousado roto.

Os técnicos municipais do Concello detectaron que hai varios de tramos que requiren dunha posta a punto. Deste xeito, encargaranse as obras de mellora a unha empresa externa, debido a que os operarios municipais se atopan traballando arreo no mantemento doutras zonas e instalacións municipais, polo que non poden asumir todas as labores. Foi o propio servizo de obras quen solicitou ao goberno ese reforzo.

A empresa encargada das obras actuará na parte máis superficial da beiravía. Estas accións consistirán na demolición e reposición das mesmas, colocando nova baldosa idéntica á xa existente. Ademais, tamén se arranxarán os bordos e farase a conseguinte retirada de escombro. O plan prevé actuar nun total de 680 m2 de rúa.

Esta actuación complementarase, nas vindeiras semanas, con outro proxecto que prevé arranxar e asfaltar a ampla rede viaria naqueles tramos que se atopen en mal estado. Desta forma, darase un lavado de cara á zona centro da localidade, garantindo a seguridade de viandantes e condutores.

< volver

+ titulares