Unha das funcións máis importantes dun Concello é a de resolve-los problemas derivados do tráfico viario, o medio ambiente, a seguridade cidadán, os conflictos privados e as situacións de risco ou emerxencia. A solución destes problemas canalízase a través da Policía Local, que, xa que logo, ten entre as súas funcións, as seguintes:
• Ordenar, sinalizar e dirixi-lo tráfico no casco urbano.
• Instruí-los atestados correspondentes ós accidentes de tráfico ocorridos dentro do término municipal.
• Instruí-los expedientes sancionadores en materia de tráfico.
• Prestar auxilio en caso de accidente, catástrofe ou calamidade pública, participando nas tarefas de Protección Civil.
• Previ-la comisión de actos delictuosos, mediante unha efectiva vixilancia das rúas, prazas e lugares do municipio.
• Cooperar na resolución de conflictos privados.
• Vixiar e custodia-los edificios e instalacións municipais.
• Realizar informes de convivencia, de solicitudes de vado e ocupación da vía pública, localización e precinto de vehículos, actividades industriais, etcétera.
• Auxiliar á Policía Xudicial.

Ademais destas funcións propias do servicio, dende a Policía Local realízanse ó cabo de ano numerosas actividades de información para diversos colectivos, pero especialmente para os escolares do municipio.

Na actualidade, o cadro de persoal da Policía Local de Vilagarcía está composto por unha suboficial-xefe, tres cabos e 39 axentes. Os medios móbiles cos que conta son cinco coches patrulla, unha grúa e dúas motocicletas.