A OMIC é unha dependencia ou servicio público de atención ó cidadán pertencente ó Concello que ofrece ós consumidores un Servicio Aberto a todo tipo de consultas e reclamacións sobre temas de consumo, sinxelo de trámites, práctico nos resultados e, ademais, gratuíto.

As funcións da OMIC, tal como establece a Lei Xeral para a Defensa dos Consumidores e Usuarios, son as seguintes:

• Información, axuda e orientación ós consumidores e usuarios para o exercicio dos seus dereitos.

• Indicación de enderezos doutros centros públicos ou privados de interese para o consumidor.

• Recepción e rexistro de queixas e reclamacións dos consumidores e remisión destas ás Entidades e Organismos correspondentes.

• En xeral, a atención, defensa e protección dos consumidores e usuarios.

Dende a OMIC realízanse tarefas de educación e formación en materia de consumo, promovendo a formación dos consumidores, tanto dos máis pequenos, a través de actividades na escola, como dos xoves e adultos, mediante a realización de cursiños, coloquios, obradoiros, xornadas, publicacións, etcétera.

En definitiva, A OMIC ESTÁ Ó TEU SERVICIO atendendo calquera problema, consulta, reclamación ou denuncia referente ó mundo do consumo, e ofrecendo unha información que facilite o exercicio dos dereitos dos consumidores.