Os centros e cursos de formación ocupacional que a Concellería de Xuventude e Emprego ten homologados son:

• Centro Cultural da Torre. Situado na rúa Amizade, 4. A Torre (Vilagarcía de Arousa), conta coas seguientes especialidades:

 o Técnico Auxiliar de Deseño Gráfico.
 o Programador de Aplicacións Informáticas.
 o Programas de Retoque Dixital e Escaneado de Imaxes.
 o Ofimática.
 o Linguaxes de Programación.
 o Socorrista Acuático.
 o Monitor Deportivo.
 o Axudante Técnico de Protección Civil.

• Edificio da Escola Taller. Situado na avenida de Agustín Romero, s/n, ofrece as seguintes modalidades de formación:

 o Analista de Riscos.
 o Auxiliar florista.

Cada ano, a Consellería de Familia e Promoción de Emprego, Muller e Xuventude da Xunta de Galicia publica a convocatoria para que as entidades que teñen cursos homologados soliciten os que consideren oportunos. De acordo con esas solicitudes, a consellería notifica ás entidades os cursos que lle concede.

Estes cursos son dirixidos unicamente a desempregados.

Quen desexe realizar algúns dos cursos que ten homologados o Concello, deberá informarse, alá polo mes de marzo, de cales se impartirán ese ano. Se algún é do seu interese, ten que dirixirse á oficina de emprego e indicarlle o seu desexo de ser seleccionado como candidato para asistir a ese curso. Antes do inicio do curso, o Concello deberá dirixirse á devandita oficina para solicitar unha lista de aspirantes a realizalo. Desa relación serán seleccionados os alumnos.